Saturday, March 11, 2017

සිංහල නැව්













ඇතැම් චීන ඉතිහාසඥයින්ට අනුව පුරාණ චීනෙට විදෙස් වලින් ආපු නැව් අතරින් විශාලම නැව් ආවෙ ලංකාවෙන්. ඒ අනුරාධපුර යුගයෙ. මේක මාර කථාවක්. මාර කථාවක් වෙන්නෙ අපිට එහෙම හැකියාවක් තිබුනද කියල අද ජීවත් වෙන අපට හැඟීමක් නැති නිසා. ඇත්තටම අපි දක්‍ෂ නාවිකයින් නොවෙන්ඩ හේතුවකුත් නැහැ. රට වටේටම මුහුද. ඒ වගේම තොටවල්. මේ තොටවල් හැදුනේ විදෙස් නැව්වලට මෙහෙ ගොඩ බහින්ඩ විතරක් කියල කියන්ඩ හේතුවක් තියෙනවද? බැමිනිටියා සාය සමයේ භාරතයට පැන ගිය හාමුදුරුවරු ගමන් කල තට්ටු තුණකින් සැදි නැව් නිපදුවේ මෙහෙ නෙවෙයිද? අපේ රජවරු සේනා අරං දකුණ ඉංදියාවට ගියේ නැව් වලින් නොවෙයිද? කොහොම නමුත් අනුරාධපුර යුගයේ එච්චර දියුණුවට තිබුනැයි කියන අපේ නාවික හැකියාවන් (නැව් තාක්‍ෂණය වගේම නාවික ශිල්පය) පහු කාලෙදි නැතිවුනේ කොහොමද?


චීනෙටත් තිබුණා දියුණු නැව් කර්මාන්තයක්. ලෝකෙ වටා ගියැයි කියන වස්කෝද ගාමා (කොස් කාලා) මැරෙන්ඩ අවුරුදු පන්සීයකටත් වැඩිය උඩදි වස්කෝ ද ගාමගේ නැව (බෝට්ටුව) වගේ නැවි දහයක් දාගෙන යන්ඩ පුළුවන් තරම් විශාල නැව් චීනෙට තිබිලා තියෙනවා. නමුත් චීනෙ නැව් කාර්මාන්තයත් පසු කාලෙකදි බිඳ වැටුනා. බිඳ වැටුනා නෙවෙයි බිඳ දැමුනා. ඒක දේශපාලන තීරණයක්. චීන්නු ඔවුන්ගේ නැව් හදපු තටාංගන ඔවුන් විසින්ම විනාශ කලා ඒ විතරක් නෙවෙයි ඔවුන්ගේ තමන්ගේ නාවික ආධිපත්‍යය ඉතිහාස පොතෙනුත් වසං කරන්ඩ උත්සාහ ගත්තා. හේතුව ඇයි කියල දන්නේ නෑ සමහරවිට ට්‍රම්ප්වාදී චීනෙක් රජකම ගත්තද දන්නේ නෑ. කොහොම නමුත් අපේ නැව් කර්මාන්තය නැතිවුනෙත් ඒ වගේ දේශපාලන තීරණයකින්ද එහෙම නැත්තම් ඒක සතුරන් අතින් විනාශ කෙරුනද එහෙමත් නැත්තම් නැව් කර්මාන්තයේ දක්‍ෂ හෙලයෝ සිංහල ජාතිය නිර්මාණය වෙද්දී ක්‍රමයෙන් හැලිලා ගියාද? නැත්තම් බලෙන් හැලුවද?

කොහොම නමුත් පෘතුගීසීන් ලංදේසින් මෙහෙට එනකොට අපට නාවික හමුදාවක් තිබුනෙ නැහැ. එහෙම තිබුනානම් රට ආරක්‍ෂා කරගන්ඩ තිබුනා එහෙම වුනානම් අපේ ඉතිහාසය වෙනස්.

අපේ නාවික තාක්‍ෂණය හා නාවික ශිල්ප නැවත නඟා සිටුවන එක දේශපාලනික සහ ආර්ථික වශයෙන් වැදගත් වෙන්ඩ පුළුවන්. අපට ඒක කරන්ඩ හැකියාව තියෙනවා. (මේ ආණ්ඩුවට ඒක තියා කිසි දෙයක් කරන්ඩ බැහැ. රනිල්-සිරිසේන කරන්නේ තියෙන දේවලුත් නැති කරන එකයි නමුත් විනාශ නොවී යමක් ඉතිරිවුනොත් අපිට රනිල්-සිරිසේනගෙන් පස්සෙ ලංකාවක් ගැන හිතන්ඩ වෙනවා).

මෝනා කියන කාටුන් චිත්‍රපටයේ වගේ අපේ ඉපැරණි නැව් ගල් ගුහාවක සඟවලා තිබිලා දවසක හම්බ වෙන්නේ නැහැ. නමුත් අපේ මිනිස්සුන්ට ඒක නැවත ගොඩනඟා ගන්ඩ හැකියාව තියෙනවා. නීල් මැරයින් නැව් කර්මාන්ත ව්‍යාපාරය ගොඩනඟපු නීල් ප්‍රනාන්දු ඒ වගේ දක්‍ෂයෙක්. අපේ නාවික හමුදාව අපට ගැලපෙන විදිහට නව නාවික යාත්‍රා නිර්මාණය කරා. චන්ද්‍රිකාගේ බොල් සංහිඳියාව නැතිව හරි හමං සංහිඳියාවක් ඇති කරගත්තා නම් හිටපු මුහුදු කොටිත් රට ජාතියට සම්පතක් කරගන්ඩ තිබුනා. අපට අත්දැකීම් සහිත දක්‍ෂ නාවික හමුදාවක් තියෙනවා. දක්‍ෂ නැව් කප්පිත්තෝ ඉන්නවා, මේ රජයෙන් විනාශ කරල දාපු නාවික ආරක්‍ෂා ව්‍යාපාරය අපේ නාවික හැකියාවන් කියාපාන්නක්.

අපට අපේ නාවික ක්‍ෂේත්‍රයක් දියුණු කරගන්ඩ අවශ්‍ය සම්පත් තියෙනවා. ඒ සඳහා අතීතයේ ඉඳං එන ගැම්මකුත් අපට තියනවා කියල මම හිතනවා. ඒකට හරියන දේශපාලන සහ ආර්ථික වාතාවරණයකුත් ගෝලීය වශයෙන් සකස් වෙමින් පවතිනවා. චීනෙ එක පැත්තකින් මුහුදු සේද මාර්ගය නැවත නිර්මාණය කරමින් ඉන්නවා. මේ වටපිටාව තුල ලාංකික නාවික ක්‍ෂේත්‍රය දියුණු කරලා ඒකෙන් දේශපාලන සහ ආර්ථික දියුණුවකුත් ගොඩනඟන්ඩ උත්සාහ කරන්ඩ ඕනෙ. නමුත් මේ ආණ්ඩුව සීඝ්‍රයෙන් යන්නේ අපේ සම්පත් විනාශ කරමින් අපේ හැකියාවන් යටපත් කරමින් දේශ ද්‍රෝහී ගමනකයි. හෙට දවසේ දියුණුවක් ඇති කරගන්ඩ නම් මේ ආණ්ඩුවෙන් අපේ සම්පත් බේර ගන්ඩ ඕනෙ.

3 comments:

  1. https://www.google.lk/url?sa=t&rct=j&q=&esrc=s&source=web&cd=1&cad=rja&uact=8&ved=0ahUKEwjjlLC8vs7SAhUFmZQKHcuVBMcQtwIIGDAA&url=https%3A%2F%2Fwww.youtube.com%2Fwatch%3Fv%3D2PE30nmUrEw&usg=AFQjCNGqZrz4bdRqrFTdARKdLVe7Z9U9VQ&sig2=aaiLdeZJlAurCjGHAd9LYA&bvm=bv.149397726,d.dGo

    ReplyDelete
  2. . නීල් මැරයින් නැව් කර්මාන්ත ව්‍යාපාරය ගොඩනඟපු නීල් ප්‍රනාන්දු ඒ වගේ දක්‍ෂයෙක්. ///////////////// ++++++++++++++++++++++++ e vagema master divers

    ReplyDelete
  3. ඇයි අමතක උනාද කොළඹ නැව් තටාකාංගනය නැත්නම් අපි කවුරුත් කියන ඩොක්යාර්ඩ් එක? දැනටමත් නැව් 235ක් විතර හදලා ඉවරකරලා තියෙනවා. නාවික මුරයාත‍්‍රා නැව් හැසිරවිමේ ටග් බොට්ටු මගි ප‍්‍රවාහන නැව් ගැඹුරුමුහුදේ තෙල් කැනිමේ නැව් හදලා තියේනවා. වැඩි විස්තර බලාගන්න
    https://kolompure.blogspot.com/2016/07/blog-post_7.html
    https://www.cdl.lk/

    ReplyDelete