Tuesday, December 6, 2016

ඉංදියාවේ අළුත් නේපාලය වෙන්ඩ කැමතිද?

මේ වෙනකොට ආණ්ඩුවට පක්‍ෂ විපක්‍ෂ සියලු දෙනාම පිළිගන්ඩ ඕන කාරනය තමයි මේ ආණ්ඩුව පත්කරල තියෙන්නේ වෙන කිසි හේතුවකට නොවෙයි බලය බෙදීමට බව. පත්වෙලා තියෙන්නේ ඒ වෙනුවෙන් වුනත් ජනතාව ආණ්ඩුවෙන් බලය බෙදන්ඩ කියල ඉල්ලුවෙ නෑ. මේක අපි අමතක නොකල යුතුයි. අඩුතරමින් මැතිවරණයට කලින් බලය බෙදන්ඩ යනවා කියල මේ කවුරුවත් සිංහලුන්ට එළිදරව් කලේ නෑ. ඇත්තටම ඒ බව ඔවුන් හිතාමතාම හැංගුවා. ව්‍යවස්ථාව වෙනස් කරන කථාවක් කියවුනා. නමුත් ව්‍යවස්ථාව වෙනස් කරන්ඩ ඕනෙ කිව්වෙ ජනාධිපතිකම අහෝසිකරන්ඩයි මැතිවරණ ක්‍රමය වෙනස් කරන්ඩයි මිසක් බලය බෙදන්ඩ නෙවෙයි. ඒ නිසා මේ ආණ්ඩුවට බලය බෙදන්ඩ ජන වරමක් නෑ. නමුත් මේ ආණ්ඩුව පත්වුනදා ඉඳං අනිත් සියලු කාරනා මඟ හරිමින් ඊතලයක් වගේ ඇදෙන්නේ බලය බෙදන ව්‍යවස්ථාව ගේන්ඩ. 

බලය බෙදීම මේ ආණ්ඩුව පවත්වාගෙන යන ඉංදියාවෙත් බටහිර රාජ්‍යයන්ගෙත් දෙමළ ජාතිවාදීන්ගේත් උවමණාව. ඒ අතරිනුත් රනිල්-සිරිසේන ආණ්ඩුවට වැඩිම බලපෑමක් කරන්ඩ පුළුවන් ඉංදියාව නිසා අවසානයේ වැඩ වෙන්නේ ඉංදියාවට අවශ්‍ය විදිහට කියල හිතන්ඩ පුළුවන්. 

උතුර නැඟෙනහිර දෙමළ රාජ්‍යයක් ඇති කිරීම ඉංදියාවේ අරමුණ වෙන්ඩ බැහැ. දකුණු ඉංදියාවේ බෙදුම්වාදයට උඩගෙඩි දෙන්ඩ උතුරු ඉංදියාවේ බමුණන්නට අවශ්‍ය නැහැ. ඒකෙන් කියන්නේ නැහැ උතුර නැඟෙනහිර දෙමළ රාජ්‍යයක් ඇතිවීමේ අවධානමක් නැහැ කියල. දෙමළ ජාතිවාදීන්ගේ උවමණාව ඒකයි. ඔවුන් ඒ වෙනුවෙන් වැඩ කරාවි. නමුත් ඉංදියාව එවැනි ප්‍රවණාතවකට මුලු මණින්ම විරුද්ධ වේවි. ඉංදියාවේ මූලික අරමුණ මේක දුර්වල රාජ්‍යයක් කරල තමන්ට අවනත කරගන්ඩ. නේපාලය වගේ. 

නේපාලය දුර්වල අස්ථායි දුප්පත් රටක්. පහුගිය වසර අට ඇතුලෙ නව පාරක් ආණ්ඩුව මාරුවුනා. ඉංදියාව වගේම චීනෙත් අභ්‍යන්තර කටයුතු වලට අතපොවනවා. ඉංදියානු-නේපාල වෙලඳ ගනුදෙනු අතිශයෙන් ඉංදියාවට වාසිදායකයි. එහි ආර්ථික වර්ධනය නොගිනිය හැකි තරම්. අපි අපෙන් අහන්ඩ ඕනෙ ප්‍රශ්ණය තමයි ඉංදියාවේ අළුත් නේපාලය වෙන්ඩ කැමතිද කියන එක. රනිල් වික්‍රමසිංහ බලහත්කාරයෙන් ගේන්ඩ හදන ව්‍යවස්ථාවේ අරමුණ මේ රට තවත් නේපාලයක් කරලා ඉංදියාවට පාවා දීම. 

ජේ ආර් ගේ ව්‍යවස්ථාව සංශෝධන වලට අනුව පළාත් ආණ්ඩුකාරවරයා පත් කරන්නේ ආණ්ඩුව. ඒ අනුව පළාත් සභාවල අනපනත් අනුමත කිරීමේ බලය ආණ්ඩුකාරවරයාට හිමිවුනා. අවශ්‍යනම් පළාත් සභාව විසුරුවා හරින්ඩත් ආණ්ඩුවට පුළුවන්. නමුත් අළුත් යෝජනාවලට අනුව පළාත් සභාවල අනපනත් අනුමත කිරීමට ආණ්ඩුකාරවරයාට ඇති බලය අහෝසි කරලා. ආණ්ඩුකාරවරයා පත්කිරීම පළාතේ මහ ඇමතිවරයාගේ (උදා: විග්නේශ්වරන්) අනුමැතියට යටත්ව සිදු කල යුතුයි. ඒ විතරක් නෙවෙයි ආණ්ඩුකාරවරයා සැමවිටම පළාත් මහ ඇමතිවරයා සහ ඇමති මංඩලයේ උපදෙස් මත වැඩ කල යුතුයි. මේ අනුව ආණ්ඩුකාරවරයාට ආණ්ඩුව වෙනුවෙන් පළාත් සභාවට කිසිම බලපෑමක් කරන්ඩ බැහැ. මීට අමතරව පොලිස් සහ ඉඩම් බලතලත් පළාත් සභාවට ලබා දෙනවා. අන්තිමේදී හැදෙන්නේ ඉතා බලගතු පළාත් සභාවල් ටිකක්. මේවට ස්වාධීනව වැඩ කරන්ඩ පුළුවන්. මේවා පාලනය කරගන්න, එකතු කරගන්ඩ ආණ්ඩුවට නීතිමය අවකාශයක් නැහැ. එතකොට ඇත්තටම ආණ්ඩුවක් නැහැ වගේ. 

මේ ව්‍යවස්ථාව සම්මත වුනොත් අනාගතයේ ලංකාවට ආණ්ඩුවක් නැති අඩුව පිරිමහන්නේ ඉංදියාව. ඉංදියාව තමයි උතුර නැඟෙනහිර සහ සෙසු සිංහල පළාත් අතර බල තුලනය කරන්නෙ. එමඟින් ඉංදියාවට පුළුවන් වෙනවා අවශ්‍ය වෙලාවකට ඔවුන් හිතන පතන ලෙසට මේ රටේ දේශපාලනය හසුරුවන්ඩ. රනිල් වික්‍රමසිංහ යෝජනා කරන්නේ මේ රට සහමුලින්ම ඉංදියාවට පාවා දෙන්ඩ.

3 comments:

  1. අපේ රටේ ඉන්න කොළ කන සම හරක්ට මේවා තේරෙන්නේ නෑ .සමහරු තේරෙන්නේ නෑ වගේ ඉන්නවා.ලොකු බලපෑමක් මේ පරම්පරාවට නැති වුනත් තව අවුරුදු 30 ,40ක් යනකොට හොඳටම පරක්කු වැඩියි.අපේ ලමයින්ගේත් ළමයින්ට සිංහල බෞද්ධ විදියට ජිවත් වෙන්න රටක් ඉතුරු වෙන්නේ නෑ. රකින්න පරම්පරාවක් නැති කාලකන්නියෙක් රටේ මුල් පුටුවකට ගියාම ඔය වගේ දේවල් වෙනවා

    ReplyDelete
    Replies
    1. matath tiyana ekama getaluwa oka tama. ei ape minissunta mewa terenneh nette. mona unath kamak nehe tamanata waasiyak wenawanam wage tama godak aya hesirenneh

      Delete
  2. That's why Our Sinhalese leader Hon.James Peiris said to D.S.Senanayake, in front of all sinhalese buddhist leaders, " dear brother,please don't take the government into our hands now. see how tamils left the negotiation table telling" we need 50/50 power into our hands. we will discuss this independence matter after 50 years from now. if we agree to this independence now there will be a war in time to come between Sinhalese & Tamils. So this is a very dangerous situation". See my friends this was said in 1940's when our people were negotiating for freedom with British. Now the time has come. No Escape. Sir James Peiris, You foresaw this before 60 years. Now it's too late.

    ReplyDelete