Friday, December 11, 2015

මරා නොමරා මැරීම


පත්වී මෙතරම් කෙටි කලකින්ම ජනතාවට එපා වූ ආණ්ඩුවක් මීට පෙර තිබුනේදැයි සැක සහිතය. අද මේ ආණ්ඩුවට බලයක් ඇත්තේ පාර්ලිමේන්තුව තුල පමණි. එයද පවත්වාගෙන යන්නේ බලහත්කාරයෙනි. නමුත් විශේෂයෙන් සිංහලුන් බලහත්කාරයෙන් ආණ්ඩුව කෙරෙහි බැඳ තබා ගත නොහැකිය. සිංහලුන් එක් කල හැකි ප්‍රබල විපක්‍ෂ දේශපාලන බලවේගයක් අද නැතිවුනද විවිධ වෘත්තීය සමිති හරහා ඔවුහු තමන්ගේ අප්‍රසාදය පල කරමින් සිටිති. නමුත් මේ විරෝධතාවන්වල විසිරුණු ස්වභාවයක් ඇත. මේ ආණ්ඩුවට අවශ්‍ය ඒ විසිරුණු තත්වය එලෙසම තබා ගැනීමටය. තවමත් මෙරට ඒ විසිරුණු බලවේග කේන්ද්‍රගත කල හැක්කේ මහින්ද රාජපක්‍ෂටය. මහින්ද රාජපක්‍ෂ දේශපාලනයෙන් ඉවත් කිරීම මේ රජයේ මූලෝපාය වන්නේ එබැවිනි. 

මූල්‍ය අපරාධ කොට්ඨාශය පිහිටුවා ඇත්තේ මහින්ද රාජපක්‍ෂ දඩයම් කිරීම සඳහා මිස වෙන කිසිවක් සඳහා නොවේ. මූල්‍ය අපරාධ කොට්ඨාශය මෙහෙයවන්නේ පාර්ලිමේන්තුවෙනි. නමුත් නීතිය ක්‍රියාත්මක කිරීමේ වගකීමක් ව්‍යවස්ථාවෙන් පාර්ලිමේන්තුවට ලබා දී නැත. ඒ නිසා මූල්‍ය අපරාධ කොට්ඨාශය නීති විරෝධීය. නමුත් යමපාලනයට එය අදාල නැත.

රාජපක්‍ෂ දඩයමේ අරමුණු දෙකක් ඇත. එකක් ඒ හරහා රජය යහපාලනය ක්‍රියාත්මක කරනවා යැයි ජනතාවට ඇඟවිය හැකිය. අනික ඒ හරහා රාජපක්‍ෂවරුන් දේශපාලනයෙන් ඉවත් කර හැකිය. නමුත් මේ රජයට මහින්ද රාජපක්‍ෂ ගොදුරු කර දඩයම කෙලවර කිරීමටද නොහැකිය. මන්ද ඉන් පසුව රජය කිසියම් වැඩක් කරන බව ජනතාවට ඒත්තු ගැන්වීමට ක්‍රමයක් නැතිවන බැවිනි. අනිත් අතට මහින්ද රාජපක්‍ෂ අත් අඩංගුවට ගැනුනොත් ඒ මත පදනම්ව ආණ්ඩු විරෝධී දේශපාලන බලවේගයක් ගොඩනැඟෙන බැවිනි. එබැවින් මේ රජයට සිදුව ඇත්තේ මහින්ද රාජපක්‍ෂ නොමරා මැරීමටය. මැතිවරණයෙන් පසු කලක් වල දමා සිටි තාජුඩීන් නැවතත් ගොඩ ගෙන ඇත්තේ ඒ නිසාය. ඇවන්ගාඩ් සිද්ධිය රබර් මෙන් ඇදෙන්නේද ඒ නිසාය.  

සිංහලුන්ගේ ජාතික විඤ්ඥාණය මැරී නොමැත. මේ රජය රට ආර්ථික වශයෙනුත් දේශපාලනික වශයෙනුත් පාවාදෙන බව ඇඟට දැනෙනවිට සිංහලුන් ජාතිකත්වය මත නැවත නැගිටිනු ඇත. සිංහල ජාතිකත්වය අනන්‍යතාවක් මත පදනම් වූවක් නොවේ එය මහින්ද රාජපක්‍ෂ පදනම් කරගෙන ගොඩනැඟුනක්ද නොවේ. රජයට විරුද්ධව නැඟී සිටින සාමාන්‍ය ජනතාව මහින්ද රාජපක්‍ෂ සිටියත් නොසිටියත් ඉදිරියේදී ක්‍රමයෙන් ජාතිකත්වය මත පදනම්ව විකල්ප බලවේගයක් ගොඩනඟනු ඇත. එමෙන්ම දැනටමත් රාජපක්‍ෂ දඩයම යහපාලනයේ අංගයක් යැයි සිතන්නේ සුළු පිරිසක් පමණි ක්‍රමයෙන් ඔවුන්ද යථා අවබෝධයට පත්වනු ඇත. එබැවින් ම. රා. නොමරා මැරීමේ වාසිය වැඩි කලක් නොගොස් රජයට අහිමි වනු ඇත.

4 comments:

  1. The White Christian Western Imperialists, their stooges here, Eelamists and India want to get rid of Mahinda and Gotabaya at any cost. They even won’t hesitate to physically eliminate them. They have to settle a number of scores with the two individuals. The foremost among them related to the LTTE which is their proxy. The duo didn’t bow to the pressures and threats from the West when it wanted to rescue and save their man: Prabahakaran.

    As you correctly say elimination of both Mahinda and Gotabhaya won’t die the patriotic feelings among Sinhalese Buddhists and their rise against the oppression: in other words anti-Sinhalese Buddhists forces’ attempts to wipe out Sinhalese Buddhism from this land. This is largely due to the fact that the duo made a precedent. The two brothers showed and proved in action that any formidable force set against them can be defeated. They gave the life blood to the demoralized Sinhalese Buddhists who are constantly subjected to the oppression by the Christian imperialists and their stooges here.

    ReplyDelete
  2. බලාගෙන ඉන්නකෝ ලොක්කා ඔය විදිහටම. 2017 දී තමා මේ ආණ්ඩුවේ වටිනාකම සියලුම වෘෂභයින්ට තේරෙන්නේ.

    ReplyDelete
    Replies
    1. By 2017 the country would be divided in to 3 parts. Economy is finished. We will be beggers. Of course the jadapalanaya gang is already buggers so for them anyway no future as buggering does not produce any progeny

      Delete
  3. ethakal thibunoth balaaganna puluwan GON HATHTHAGE weda kida

    ReplyDelete