Monday, July 20, 2015

මහින්දට පංසල් තහනම් වෙයිද?

මැතිවරණ ප්‍රචාරක කටයුතු සඳහා ආගමික ස්ථාන භාවිතා නොකරන ලෙසට පක්‍ෂ ලේකම්වරුන්ට උපදෙස් දීමට බලාපොරොත්තු වන බව මැතිවරණ කොමසාරිස්තුමා විසින් ප්‍රකාශ කොට තිබුනි. මේ උපදේශය සියලු පක්‍ෂ සඳහාත් සියලු ආගමික ස්ථාන සඳහාත් වලංගු වන බව පෙනෙන්නට සැලසුනද මෙහි එකම අරමුණ මහින්ද රාජපක්‍ෂ පංසල් භුමිවල රැස්වීම් තැබීම වැලකීම බව නොදන්නේ මෙරට අත දරුවන් පමණි. මැතිවරණයේ අනිත් අගමැති අපේක්‍ෂකයා වන රනිල් වික්‍රමසිංහට පංසල් වලින් ආරාධනා ලැබෙන බවක් පෙනෙන්නට නැත. ඇරත් පංසල් ගානේ පුද පූජා පැවැත්වීම රනිල් වික්‍රමසිංහට ඉතිරිව සිටින ඡන්ද දායකයින්ද නැති කර ගැනීමට හේතු වනු ඇත. ජවිපෙ නායකයින් නම් එදා සිටම බුදුන් වඳින්නේ කැමරාවට හසු නොවෙනාකාරයටය. ඒ නිසා ජවිපෙට මේ ප්‍රකාශය අදාල නැත. පැහැදිලිවම මැ.කෝ. ගේ මේ බලපෑමේ එකම අරමුණ මහින්ද රාජපක්‍ෂ අභිබවා රනිල් වික්‍රමසිංහට මැතිවරණයේදී අයුතු වාසියක් අත් කරදීමය.

එය එක පැත්තක් පමණි. 

මැතිවරණ කොමසාරිස් වරයාගේ වගකීම විය යුත්තේ සියලු අපේක්‍ෂකයින්ට සාධාරනවූ වාතාවරණයක් පවත්වා ගෙන යාමය. යම් අයෙකු පංසල් භුමිතුල දේශපාලන රැස්වීම් පැවැත්වීම තව අයෙකුට අසාධාරනයක් වන්නේද? පංසලක රැස්වීම් මෙන්ම පූජා කටයුතුද සිදුවන්නේ පංසලේ නායක ස්වාමීන්වහන්සේගේ අවසරය සහ අනුදැනුම මතය. ඊට දායක සභාවේද කැමැත්ත ලැබේ යැයි සිතිය හැකිය. පංසලේ මේ වගකිය යුත්තන්ගේ ඇරයුම නොමැතිව මහින්ද රාජපක්‍ෂට පංසල් තුල දේශපාලන රුස්වීම් තබා පුද පූජා හෝ පැවැත්විය නොහැකි බව එතරම් පැහැදිලි කල යුතු කරුණක් නොවේ. දැන් ප්‍රශ්ණය මෙයයි පංසලේ වගකිය යුත්තන්ගේ දේශපාලන කැමැත්ත මහින්ද රාජපක්‍ෂ නම් ඔවුන් ඔහුට ආරාධනා නොකල සිටිය යුත්තේ ඇයි? රනිල්ට කැමැත්තක් නොමැති නිසා මහින්දටද ආරාධනා නොකර සිටිය යුතුයැයි මැ.කෝ. කියන්නේද? මැතිවරණයක් යනු ජනතාවගේ දේශපාලන කැමැත්ත නිදහසේ ප්‍රකාශ කිරීමට ලැබෙන අවස්ථාවක් විය යුතුය. මෙරට බෞද්ධ ජනයා මහින්ද රාජපක්‍ෂට පංසල් වලට ආරාධනා කරන්නේ තමන්ගේ උවමණාව සහ කැමැත්ත ඔහුට ප්‍රකාශ කර සිටීමටය. එයට ඉඩ දිය යුතුය.   
  
ප්‍රශ්ණය එතැනින්ද නිම නොවේ. මැ.කෝ. උපදෙස් දෙන්නේ පක්‍ෂ ලේකම්වරුන්ට වුනද මහින්ද රාජපක්‍ෂට ආරාධනා ලැබෙන්නේ පංසල්වල නායක ස්වාමීන් වහන්සේ ඇතුළු දායක සභාවන් වලිනි. ඒ නිසා මැ.කෝ. වක්‍රාකාරයෙන් බලපෑම් කරන්නේ නායක ස්වාමීන් වහන්සේලාටය. එය රජයේ නිළධාරියෙකුට කැපද? පංසල් වල වැඩ කෙරෙන ආකාරය පිළිබඳ අනුශාසනා කරන්නේ ඒ ඒ නිකායන්හි නායක ස්වාමීන් වහන්සේලා විසිනි එය රජයේ නිලධාරීන්ට අදාල කාරනා නොවේ.

මහින්ද රාජපක්‍ෂට ජය පතමින් මෙරට පංසල් තුල කරගෙන යන පුද පූජා හා දේශපාලන රැස්වීම් මෙරට ජනතාවගේ අයිතියය. ඒ අයිතිය පැහැර ගැනීමට ඉඩ නොදෙමු.


2 comments:

  1. There was no word about using regime power for election by UNP! During the Colombo meeting Mr Ravi KARUNANAYAKE the honest declared that the gas price would be reduced by 100Rs! Is this not a blatant breach of electoral law? But most vociferous election commissioner didn't utter any word about this unlawful act! Election is going to be rigged! It is crystal clear. Western masters have instructed SL authorities to " win" the election!

    ReplyDelete
    Replies
    1. Yes, you are correct! Every indication suggests that Yahapalnayas are getting ready for a massive rigging of the upcoming election. UNPers are not unfamiliar with this. They have done it many times before. Besides, the confidence with which Yahapalnayas and Sirisena show of their wining, despite the massive popularity Mahinda enjoys, is yet another indication for this. As you correctly say Yahapalanyas' masters namely the White Christian Western Imperialists, their stooges here, Indian Expansionists and Eelmaists must have certainly instructed them to win the election at any cost!


      Delete